過年前無買，點知出街搭車，全車得我一個無戴口罩，就算坐於我隔鄰的那位小姐，戴上口罩咳嗽，但仍然用可怕的眼神望來，深恐我會傳染給她一般，講真，妳雖然戴上口罩，但係咁咳，我怕妳多過妳怕我啦，為免再受歧視，唯有四出張羅。
年初六和一位世伯拜年，一出聲就問其有否口罩相助，世伯二話不說，即時送了一個給我，其後身邊友人、家人，陸續給我一些，在此期間，在街外四出尋找貨源，均是失望而回居多。
直至昨天，路經一藥房，見其有廁紙出售，也不雖要排隊（係，呢段期間，我見過有廁紙同口罩銷售，但係要排隊，所以作廢），付鈔時順口問句有無口罩，點知店主話有，在舖中央處，自己揀，一睇原來係KF94口罩，一包三個，售70元正，買了二包回家。下午出外工作，路經另一藥房，見其有大量口罩出售，也不雖要排隊，就順便買多一包（上圖所示），就咁，又唔見多200大元。
