No. 1
No. 2
No. 3
星期六下午去美食展，今次連早餐都唔食，首先進入公眾館，一入去見嘢就食，首先來串台灣肉腸、跟住燒金蠔、一份和牛，再來一串海瑞貢丸，行行吓見到有人食雪糕筒，本來想略過，但係經過個檔攤，見佢用日本3.7L牛奶配日本生果混合製造，即時叫咗個蜜瓜味嘅，食落又真係唔錯，之不過份量就大咗尐，食到呢道，都有小小地飽嘅感覺。
繼續前行，見到尐燒魷魚、燒肉串、滷水大墨魚、布丁燒、肉燥飯。。。實在太大份，為咗保留實力，我忍！點知行到西班牙火腿攤位，都係忍唔住，叫咗一份36個月嘅來食，呢段期間，試飲試食嘅就真係不計其數囉！
行完公眾館，再上一層，去到專貴美食區，一入到來，就即時呻笨，點解我唔係第一時間來呢道，而要浪費胃納喺下面，本來打算上來睇睇，但係入到來，都係忍唔住，因為竟然有55個月嘅西班牙火腿食（圖一和圖二），本來食唔落，但係見到，點都要叫一份試架啦。繼續前行，又有一檔賣西班牙紅酒燴牛舌，即叫，食食吓佢對面賣啤酒嘅檔攤竟然叫我埋去試飲，重落足咀頭話食小食飲啤酒，簡直一絕，試飲咗三款唔同口味，最後覺得呢款啱飲（圖三），咁又叫咗一枝，行吓行吓，到咗一檔賣紅酒嘅，唔知係咪小人試飲，竟然倒咗一小杯嘅畀我，見佢咁有誠意，就係咁意飲二啖啦，但係呢款酒唔啱我，正想擺低個杯之際，佢竟然又介紹第二個口味來，嘩，咁飲法，想行出會展都難囉，唯有即時耍手。
行無幾耐，見到有一檔賣鱒魚嘅，細細份，又忍唔住叫咗一份，臨走前見到有檔好多人排隊，八卦下走埋去睇睇，完來係即切日本哈蜜瓜，飯後水果，點都要食嘅！😍😁
沒有留言:
張貼留言