倒米壽星（一）

　　回看網誌，專欄分類多多，但真正發表的題材來回都是那二、三類，一些專題類別由於題材敏感關係，只限一些合資格的人士才可觀看，當然更敏感的題材，就只得一位人士才可閱覽了😁。今回先從【講飲講食】開始，希望能連續數篇刊出（不過我自己都覺得幾渺茫下）😛。

　　這事發生約在92、93年期間，那時和友人在尖沙咀晚飯，二人對座，先來一jar啤酒（那個年頭不喜一瓶一瓶叫來喝的），天南地北一番，到點菜時，一中年伙記前來落單，友人先叫三碟小菜，跟著再來一個盤龍鱔，約斤半重，熟料那伙記很不識趣的說了一句：「咁多，你哋食唔食得晒呀？」，就是這一句話，友人差點便和那待者大吵，只見他很大聲的回了一句：「多多都食得晒呀！重有，來多jar啤酒，快呀！😁」。

　　身為服務業員工，如此應對，實屬不智，若遇到一些惡人，這樣說法，真係祝佢好運。

　　事情並不是就此完結，到那待者走後，友人細細聲地向我說：「亞甘，唔好衰畀人睇，陣間食晒佢呀！😱」，聽後我就心想：「有冇搞錯，同人鬥氣都唔使搵自已個肚來鬥呱？」，不過友人旣然說了出口，陣間惟有儘量迫他多吃點吧。😉