今早看副刊，看到李純恩登出的文章，題名為『吳哥日出』，以下為其部份節錄。
「遊吳哥窟，在吳哥窟看日出是一個大節目，你跟酒店．．．來自世界各地，也都隨之沸騰起來。如此壯麗的景色，一生人，起碼要看一次。」
未去過真係會畀佢引死，日出日落，到處都是一樣，只差看者當時的心情如何，心情佳則平凡都可變成美麗，心情差則美女都變成豬扒，還有晨咁早走去辦証，肯定在出發前沒做好功課。通常到當地旅遊，會在抵埗後的當天下午做証（大約四、五點後），當天可免費進場參觀，那有這麼早才去辦証，到辦得証來，好的位置都給人佔了。😈
以下為其全文連結，有興趣者可按入觀賞↓
《吳哥日出 》
以下為早年筆者到吳哥時所攝的景色↓
http://kentseky.blogspot.hk/2006/11/1.html
未去過真係會畀佢引死
回覆刪除喂，人地收稿費個喎，唔係咁你想人點講吖。
[版主回覆08/27/2008 18:16:00]吓, 乜有稿費收架? 咁我而家校正資料, 佢會唔會畀返d我架
咁你自己要同阿李生佢商討、商討喇。
回覆刪除[版主回覆10/08/2008 18:49:00]咁駛唔駛搵埋d垃圾會會員去商討商討呀
咁駛唔駛搵埋d垃圾會會員去商討商討呀
回覆刪除佢地為咗搞兄弟會留低嘅垃圾都周身唔得閒啦！
[版主回覆10/11/2008 16:07:00]未算, 遲D我會聯絡D買外匯既苦主去搵佢地, 因為好多銀行妹話重有排升, 息口又高, 好過做港幣定存咁話喎, 另外, 重有洋樓, 外傭, 過埠新娘等等, 真係有排做, 之不過都係要等我得閒至得
未算，遲D我會聯絡D買外匯既苦主去搵佢地……
回覆刪除咪玩啦，無政治價值佢地睬你都傻。
[版主回覆10/15/2008 18:25:00]你放心, 唔到佢地唔玩架, 如果佢地唔玩, 我可以去平等機會委員會度投訴佢, 又或者搵佢死對頭出嚟, 合力搞個控訴大會, 話佢地冇腰骨, 到時佢想唔玩都唔得呀....
之不過都係果句: 要等我得閒至得
要等我得閒至得閒
回覆刪除等你隻火麒麟得閒就真係蛇都到死！