打錯人

　　話說某天在李坑古村，看到圖中的小女孩在溪中洗菜，於是舉機偷拍。初拍照時她還向我咧嘴而笑，怎料到下一張時，她竟爾忽然害羞，還拿手中的小菜向我遙打，就這樣，一幕慘絕人寰、女打母親的人間慘劇就此發生！😁😁😁

江西．馬

　　都唔知點解，每次我影親相，梗係有人走埋來問東問西，今次影馬又係，失驚無神背後有人問我影乜，我話影馬，跟住佢又影埋一份，不過就一路影一路話：「個背景好雜，好難影！」，咁我就同佢講：「你將枝鏡撳低小小試吓」，但係佢話唔得喎！咁我都無辦法，方法講咗，無理由我影張sample相畀佢睇，然後等佢照抄架！

No. 1

江西．人

　　這個是當地導遊，見其他影友捉了她當 model，既然唔使錢，咁就係咁意影番二張咁多啦！😁

江西．花

No. 1

潮流興「ONE」乜？

　　今早在長沙灣廣場飲完早茶，時間尚早，咁就順路踱步落深水埗，沿青山道而行，發覺有二幢新建築物，雖則有數街之遙，但一個就叫做「ONE NEW YORK」，另一個就叫做「ONE MADSION」，唔通呢輪興「ONE」乜「ONE」物？

　　如果係咁，你估將來會唔會有「ONE BAND」、「ONE LE ART」出現囉嘞！😁

Yahoo Bid 米

真係頂佢唔住, 笑到眼淚水都標晒出嚟↓😁
http://hk.f2.page.auctions.yahoo.com/hk/show/qanda?aID=b7753866&u=:jackywong666&tp

滅絕「煩」音

　　早二天放工搭ＬＩＦＴ，竟然撞啱一大班剛練完粵曲的女士，在細小狹窄的空間內，她們竟使出了聲傳十里的音波功，本人身處其中，不得不運起「護體神功」相抗，但她們內力畢竟深厚，護體神功竟也開始抵擋不住。

　　幾番思量，本想施展出佛門絕學「獅吼功」相抗，但又怕她們禁受不起，若有人因此一命嗚呼，誠非本人所願，最後唯有使出了三十六計之最後一計，在八樓自行下樓而去。😈

反智

　　現今世界，已經到了反智年代，究竟是我們沒有了思考能力，還是說話的人以為我們沒有了腦袋思考？

（１）虎報篤數案，當年的律政司司長梁愛詩以公眾利益為由，不起訴星島集團前主席胡仙，理由是如果胡仙女士罪成入獄，則會有很多人因而失業。那是否表示，只要我在犯罪前能招聘一大班員工，我便可以不被起訴。

秘笈

　　早年老細喜歡風水命理，不知從何處借來了一本古籍手抄本，命我拿去影印，這次影印經歷，真的令我畢生難忘！

　　話說這本古籍，線裝版本並經由人手抄錄，外層用油紙包封，不太厚，但內頁殘舊薰黃，由於是線裝關係，影印時便要稍微用力將其打開壓下；怎料微一用力，便已聞「嚦嘞」之聲，嚇得我急忙縮手。

講電話

　　現今香港女性言論，越來越精彩。尤記得某天晚上乘小巴回家，身後的靚女就由上車講電話講到落車，其間魚、蝦、蟹海鮮不斷湧現，果餐免費海鮮餐就真係飽到上心口。😂

　　今日到迴轉壽司店食壽司，隔離咁啱又坐咗位靚女，見佢斯斯文文，本來都無乜點為意佢，點知佢一講電話，尐口頭蟬就順口而出，「頂頂聲」不絕於耳，本來就咁都無乜問題，點知佢講吓講吓，連「燒乜春」都講埋出黎，為免忍唔住噴返尐壽司出嚟，都係嗱嗱林埋單走人了事！😈

一葉數色

話說某天途經沙田公園，見樹上之葉如此多色，認真少見，遂拍之！

選舉

以下文字，純屬虛構，如有雷同，實屬巧合！😈

　　各位選民，請投我神聖一票，投我一票，您將有機會獲到我身後既名貴禮品一份，投得越多，中獎機會越多，千萬勿失良機！

遊韓記趣（五）太極門

　　這道門，是在水原華城的城樓上所攝，當時門是虛掩，見附近沒人，於是便將其合上，細看之下，不禁莞爾。原來世上萬民，不論其種族膚色，均有一共同之處 － 就是「得過且過」。😁