是日端午節，一早給Uncle L的電話吵醒，原來是聯絡不上我的老細，問我有否辦法找他，我只得向他說明，找他的方法只得一個，便是打他的手提電話，如果你也聯絡不上，我也是一樣。
既然已經起身，便和家人出長沙灣品茗，埋單前Uncle L再次來電，說仍然聯絡不上老細，問我有否興趣入沙田吃午飯（講真，如果是開工時段，我的興趣是十分大的
），在他不斷的反覆哀求下，惟有答應。入到沙田，原以為他已經開定茶位，點知電話接通，佢竟然說仍在路上，說很快便會到來，並叫我入內找某某人開檯云云，就這樣，一等便是半小時以上才見他挺著肥肚腩，和一班同行入來。
座下不久，Uncle L說已經聯絡上了老細，並說他稍後便來，既然來到，和老細打聲招呼後才離開，閒著無事，到沙田公園慢步拍攝後才回家吃飯。
No. 1
No. 2
No. 3
No. 4
No. 5
No. 6
No. 7
No. 8
No. 9
No. 10
閒著無事，到沙田公園慢步拍攝
回覆刪除今次唔會蕩失路喇！
[版主回覆06/18/2011 11:01:00]乜唔會呀，行吓行吓竟然行咗條掘頭路，要行返轉頭呀
乜唔會呀，行吓行吓竟然行咗條掘頭路
回覆刪除咁你即係依然為花所迷喇！ 一樖雞蛋花同臘腸樹花咁就令你迷失，唉！！
[版主回覆06/20/2011 11:06:00]你以為，如果係咁，就唔使咁瘀啦，我迷失嘅地方，係流水個度呀 一樖雞蛋花同臘腸樹花咁就令你迷失 你講嘅臘腸樹花，係咪指最尾個張 ，如果係，佢左睇右睇，都唔多似係臘腸喎
你以為，如果係咁，就唔使咁瘀啦，我迷失嘅地方，係流水個度呀
回覆刪除你雖然係流水旁迷啫，但唔係尐流水令你迷失囉。你係因為個心去左尐花個道而令自己迷失喎。
你講嘅臘腸樹花，係咪指最尾個張 ，如果係，佢左睇右睇，都唔多似係臘腸喎
都知你會問價喇，好彩我有存貨 ！
http://hk.myblog.yahoo.com/jw!fL_llsOYHxLevzRtxxhPk2xn/photo?pid=680&fid=-1
因為佢所結嘅果實圓碌碌，一條一條好似臘腸咁，尐人咪叫佢做臘腸囉樹，學名就無去深研。重有，佢嘅果實有尐長，有尐短，，有時粗，有時幼，幾有趣價。
[版主回覆06/21/2011 11:40:00]都知你會問價喇，好彩我有存貨 ！ 你尐存貨咪又係咁上下，我重以為有資料睇添 重有，佢嘅果實有尐長，有尐短，，有時粗，有時幼，幾有趣價。 唔同樹就梗係有時粗，有時幼，有尐長，有尐短價啦
行 吓 行 吓
回覆刪除個「下」字便身已係個量詞，所以唔使加個「口」旁。
竟然行咗條 掘 頭路
個「屈」字本義就係無尾咁解。《說文》「屈。無屈也，從尾出聲。九勿切。」所以應該寫作「屈頭道」。
「屈。無 屈 也，從尾出聲。九勿切。」
回覆刪除打錯字。應該係個「 尾 」字先係。
你尐存貨咪又係咁上下
回覆刪除我張存貨只係志在展示條「臘腸」啫。
我重以為有資料睇添
呢層就可以講講，呢樖樹有好多名稱，臘腸樹係較常叫嘅一種，另外又叫做豬腸豆、遍灑金。但臺灣又有另一種樹叫做臘腸樹，但同呢種就唔一樣。
[版主回覆06/24/2011 11:18:00]我張存貨只係志在展示條「臘腸」啫。 吓，點解我睇唔到條臘腸嘅，係唔係你上年過年前食咗呀
點解我睇唔到條臘腸嘅
回覆刪除無左個引號括著嘅臘腸就梗係無喇。
係唔係你上年過年前食咗呀
東莞個隻早兩日就食過；樖樹掛著個尐就唔好歷亂試，食左會屙價。重有，呢種樹係花果同樹嘅。今年花，昨年果。