前晚心血來潮，打開防潮箱一看，發覺有數枝鏡頭發霉了，今晚便拿小小白上Canon清潔，看來破費是小不了。
這些鏡頭，放於防潮箱中約三年了，期間並沒理會，由於我這防潮箱的防潮能力超強（我打開時防潮珠還未變色），所以一直以為沒事，今次慘劇發生，使我明白了一些道理，當然，這些道理只是本人憶測而來，並不能作準的。
(1) 除了濕度要控制得好外，閒時還要拿出來活動活動，最基本是每年一次，點解，因為以往我每年最少都外出旅遊一次，打開箱子，內裡的器材全沒問題。
(2) 一塊好的保護鏡是很重要的，今次送修的小小白，鏡頭和鏡尾都有小許霉點，但由於鏡頭前端用上了B+W MRC保護鏡，所以霉點只在保護鏡上形成，而今次送修的原因，便是要清潔鏡尾的霉點了。
(3) 不知是否真的是一分錢、一分貨的關係，另一枝用上了價錢較為相宜的保護鏡，除保護鏡有霉點外，最前的鏡片玻璃也有霉點發生。
(4) 最奇怪的是，我的第一枝騰龍變焦鏡，長年擺放不用，卻一點事情都沒發生，難道真的是千金之軀便易招損折，平凡百姓反可禦風吹雨打。😲
這些鏡頭，放於防潮箱中約三年了，期間並沒理會
回覆刪除有次我於 popart 講，經常使用嘅器材係唔使特別做防潮工作，你自己都話認同價，點解今次咁失策呀？睇蒞你都係要買個電子防潮箱咯，千祈唔好步我損失 AE-1、F-501 個次不幸嘅後塵 。
講開又講，就算有電子防潮箱都要小心。上星期某日我都係突然覺得要檢查下尐器材，點知就發覺個電子防潮個濕度掣被「某人」唔覺意咁整乜到「L」位置，令箱內濕度達至一個危險水平，好彩發現得早咋。
[版主回覆01/12/2011 12:34:00]有次我於 popart 講．．．你自己都話認同價 知易行難呀
睇蒞你都係要買個電子防潮箱咯 我果二個重貴過電子防潮箱o架，防潮珠放咗三年都只係淡咗小小色，咁証明佢嘅防潮能力超強，所以我至記得某套紀錄片講霉菌嘅特點，其中一點就係乜都唔使做，只要得閒郁吓佢就得，而今次就有可能我冇郁佢囉
某套紀錄片講霉菌嘅特點
回覆刪除咁就要講出蒞分享下嘞！
乜
「乜」字個正解，就係我地成日講嘅，用以表示歪斜不正個「乜」字。「乜斜」就係咁寫。
[版主回覆01/14/2011 12:15:00]我睇嘢飛頭走尾，並且事隔多年，所以記得唔多。個段片講霉菌嘅特性，原來霉菌會在一些不動的物體上滋長，片中同一物體，一件長期擺放，一件隔某一時段稍作轉動，結果發現，有轉動的沒事，沒轉動的就多了點禮物
我睇嘢飛頭走尾
回覆刪除吓！你講個咁多齣戲，咁究竟………
[版主回覆02/04/2011 22:24:00]係呀，就算齣戲頭尾都精彩，但係需要去小解嘅話，咁都會飛頭走尾o架
需要去小解嘅話，咁都會飛頭走尾o架
回覆刪除咁講法，可能連個心都走埋過喎！
[版主回覆02/05/2011 19:46:00]咁就唔係小解咁簡單啦
我睇嘢飛頭走尾 噚晚趕住瞓覺，竟然畀你陰到添，我幾時有咁講過呀