這隻貓不怕人，坐定定竟然唔走，咁我就第一時間攞枝短火出嚟射佢啦，點知佢竟然耷低個貓頭。😡
見係妳，咁就跪地影貓貓一次咁多啦，點知佢今勻就擰歪塊面，真係畀佢吹脹。要知道，我肯晒二張菲林影妳，妳應該要好好配合架嘛，谷氣上嚟，唔鬼理佢，行入佢主人間屋度。
入咗去唔夠一個字，佢竟然死死氣行入嚟，重走埋來挨身挨勢，呢次重唔有仇報仇，我第一時間就用手鍊落佢條頸度，跟住就到佢個身，最後玩到佢反肚為止。😈
突然諗起，唔知貓同人有冇分別，咁就試吓唧佢嘅胳肋底，睇吓佢識唔識笑，點知佢淨係望咗我一眼，跟住就好似冇事咁照瞓喺度，唔通尐貓係冇笑穴既？😲
至於呢隻狗，我就唔敢走埋去唧佢嘞，不過見佢瞓得咁冧，咁點都要影返張相既。睇吓睇吓，突然之間發現，原來做人都幾憨居架，日做夜做，食飽冇野都要搵尐野做，唔及得呢隻狗，你睇佢，食飽就曬太陽，真係冇你咁好氣！😁
高竇貓嘛, 你未聽過咩
回覆刪除你唧佢唧得唔舒服味唔笑囉, 佢心恁....都無料到 , 點笑呀
狗就唔同, 你唧隻狗時, 佢就真係識笑架, 唧中佢要害, 會睇到佢笑之餘, 有d狗隻腳會 young young 下咁郁架
係唔好意為哩隻狗好嘆呀, 佢當夜架, 每晚要留守通宵架, 佢好辛苦架, 而且會老得好快添, 如果要你每晚開通宵, 日頭至比你眠一眠, 你話你會點嘞
[版主回覆06/16/2008 18:43:00]有d狗隻腳會 young young 下咁郁架 但係都有d狗係唔會young架, 果d嘛係死狗咯
係唔好意為哩隻狗好嘆呀, 佢當夜架 咦, 妳點知架, 唔通妳陪佢當夜
隻貓的側面幾英呀, 好有性格添
回覆刪除係嘞, 邊處影架隻狗 ? 好濕(sharp)呀, 大係大陸嗎 ?
[版主回覆06/16/2008 18:46:00]都係喺李坑古村影既
隻貓的側面幾英呀, 好有性格添 簡直cool到爆呀, 好似d靚女咁, 如果有人約佢去街, 佢就好似隻貓咁...扮高竇
哩隻英貓似仔多啲噃......
回覆刪除通常狗係巡夜架, 日頭就瞓架啦, 我以前養過, 如果夜晚唔巡更的係大懶狗
[版主回覆06/18/2008 19:27:00]吓, 我依稀記得果日將佢玩到反肚, 唔多見佢有菇菇架喎
3/4 側面，好Ｙ
回覆刪除[版主回覆06/20/2008 18:40:00]好乜鬼, 你睇佢, 高傲到死, 抵佢畀我玩到反肚既