一樣米養百樣人，一尐都冇講錯。今次參加的旅行團，廣告寫明係攝影團，所以有大班影相人士參加，不足為奇，但奇就奇在此團竟然有一批女士，以為團費貴，咁就一定係豪華美食團，最後攪到當地導遊小姐問我們：「究竟佢地知唔知呢團係攝影團？」。😁
話說她們一開始便對當地膳食產生問題，跟住又話點解每日要咁早起身，早餐又唔係酒店食，咁樣佢地食完早餐去洗手間會好唔方便喎，最後重話要返來香港投訴云云，攪到個位靚女地陪騰晒雞，每朝私人醒杯咖啡畀我哋，認真慘！最後連班影相老師父都睇唔過眼，笑笑口同佢地講：「今次算好架啦，如果係影日出日落相，起身重早添呀！」😈
直至有日行程，天不造美，竟然整日陰天，這時這班女士竟然走埋來和我說：「咦，今日無陽光喎，你孭咁大袋嘢，咁嘛即係唔使影！」，見她們一臉幸災落禍之色，我看看她們後便自行走開，怎知她們不知好歹，竟然再次走前重覆剛才的話，這次我可不客氣了，只見我同樣笑笑口的說：「影相之道，有光有有光的拍法，無光有無光的拍法」，跟住望望她們手上的DC相機，然後繼續笑笑口的說：「不過妳們不懂攝影，我都唔知點樣講妳地至會明！」講完後佢地即時走開，而站在附近的那批老師父就陰陰咀笑，以後我行去邊度，佢地都無再跟住來囉。😁😁😈
沒有留言:
張貼留言